MOI - 22 Tisema 2022; Na'e foaki atu 'i he 'aho ni 'a e 'u ki he ki he ngaahi fale nofo'anga 'e 12 'i 'Atataa Si'i 'e he Minisita 'o e Potungaue Ngaahi Ngaue Lalahi, Hon.Sevenitini Toumoua he efiafi 'o e 'aho ni.
Ko e ngaahi famili ki he 'u fale ni 'oku kau ai 'a Lilika Fonua, 'Inoke Fonua, Toni fatai, Siotame Fonua, Vika Makaholia, Koli Folau, Uatekini Folau, Viena Hosea, Fine Fusikata, Vanisi Vave, Maile Ma'afu mo Ma'u Via.
Ko e taha 'eni ha momeniti fakafiefia lahi ki he kainga 'o Pilinisi Ata mei 'Atataa 'i he'enau fakapapau'i he 'aho ni 'oku nau nofo honau 'api pau mo malu.
'Oku toe 'iai e ni'ihi 'e foaki atu 'a e ki ki honau ngaahi fale 'apongipongi. Na'e fu'u fakamafana lahi ki he kainga ni 'a e taimi ne nau ala ai ki he ki pea mei ai 'o fakaava 'a honau fale, ko e fakapapau'i mo'onji ia 'oku mo'oni e faka'anaua he mahina 'e 11 kuo hili hili e fakatamaki he peaukula.
Ko e fale kotoa 'e 22 kuo 'osi langa 'i 'Atataa Si'i, 'oku teu ke langa mo hono ki'i 'apiako, Fale Fakakolo mo e 'Apisiasi. Kuo'osi tu'u 'a e vai fakakolo pea mo honau vaka toutai.
